Jongste aktiwiteit:

Kyk, kyk net!

Kyk, kyk net!

Ons sit buite en volg wolke en windrigting
soos die windpomp se vlerk draai
Mens en dier kyk biddend op want die
wolkestapels lyk belowend en pragtig
met sierlike boë en kartels maar die
weer dreun egter so halfhartig in
‘n binnensmondse verweg gemompel
maar dit lyk asof die wolke gaan saampak
maar wyl daar ‘n paar yl druppels val
breek die son onverwags helder deur
en jakkals trou met wolf se vrou en
die reën asvaal verskrik is skoonveld – – –
Die brandmaer diere se koppe sak laer
en die mens se skouers hang moedeloos
want waarheen het die lafenis verdamp,
so sak en pak gewetenloos vort en
siende blind vir al die ellende?
Kyk!
Kyk net na die dorstige aarde en
die pleitende mens en dier!

Janetta – Helena [Babs] ©




Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed