Lekkerland (Silwer)
By die goudpot daar ver
aan die reënboog se punt
waar drome begin en seerkry is min
wil ek my liefde bakhand vir jou bring
want jou hart is my veilige plek
jou woorde ‘n sprokiesverhaal
jou stil verstaan ‘n wiegelied
en in jou nederige menswees
avonture wat wink
deur die oë van die wegkruipkind in my
wat hoopvol nog steeds oros
uit ‘n bitter beker probeer skink
©️Elize Kruger
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir April 2024 - Uit die oog van 'n kind projek