ONSKULD (goud)

ONSKULD (goud)

Met ‘n bal in haar hand

speel sy met sonlig

sy dans en verf die lug met haar lag

sy dra ‘n droom in haar hart

die wind is vandag haar maatjie

so ontdek sy die wêreld

terwyl blare liedjies vir haar sing

in die somerson se brand

vertel sy stories

oor diertjies en feetjies

kaart die dag in ongekende prag

sy lag weer en draai in die rondte

haar los hare waai in die wind

vir haar tel net vandag

want môre is nog ‘n lang wag.

© 04/2024 Caren Kearley

FB: Nimfoleptiese Woorde

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag