liewe aarde

liewe aarde
my verblyf is hier so kortliks
tog is dit my geskiedenis geboek
gisters was nie almal lekker nie
maar die toekoms wink steeds

liewe aarde
elke dag se sonskyn oomblikke
skyn tot diep in my siele vreugde
selfs die wind bring my net liefde
al dra dit sand en goggas aan

liewe aarde
voor jy weet is jy reeds oud
selfs jy steun en kreun al hoe meer
woeste bewegings en rookwolke
verkondig onderliggende pyn

liewe aarde
spoedig sal hierdie hoofstuk oor wees
sal ek en deel van jou net herinneringe word
gebêre in stof suile en vlamme van verlede
geliasseer in data van vorige eeue

liewe aarde
mag die grond waarop ek geplant was
nooit vir ewig wegspoel of verdwyn nie
mag die aarde waarop ek gewandel het
nooit vergete wees vir die nageslag nie

©Teárlach

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag