ligpunte

nominaal was die insette
vir meer as ‘n maand
my duin het verdor
sy woorde verstrooi
hewige kouefront gewis

helfte van hierdie jaar
het onder gegaan
soos die son sak
soos hoop soms wyk
waar die liefde al taan

daar is niks wat nou is
wat voorheen nie was
niks nuut onder die son
wat so helder kan skyn
dat dit jou hoef te verras

geloof en liefde
genereer hoop
sonder liefde
is daar niks
liefde heel alles

©Teárlach