Maskers
Die maskers wat jy dra
vra nie vrae nie,
hulle sien wat hulle verwag
en begrawe die waarheid
en steel jou lag,
en wanneer die nagte donker raak
kyk jy deur wasige vensters
en probeer sin maak
uit grafte wat nog
oop lê hier voor jou,
want wat jy is
lê lankal begrawe
in vergete harte,
want hoe hul na jou kyk
verklap geen woorde nie
en jou woorde vind geen rusplek nie,
want wie ken ñ hart
wat ñ pad alleen stap
jy kies ñ pad
en hardloop
waar geen grondpad
stof in jou oë laat nie,
jy kies ñ pad
waar hulle stemme nie kan weergalm
in die hartpalm van jou siel nie,
jy kies om gesigloos
voor hulle te staan,
want wat hulle dink
wys in hul oë,
dit wat hul nie sê nie
staan geskryf in hul maskers.
Chantelle Holder
© 2015
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
3 Kommentare
-
@Verstaan
Is daar n volledige ontleding vir hierdie gedig?
-
Somerreën
@Verstaan, ek het ongelukkig nie 'n ontleding van die gedig nie, elkeen kan die gedig interpreteer soos hul wil, of hoe dit hul ookal laat voel. Ek dink meeste mense dra een of ander tyd maskers in hul lewens. En wat jy kies om vir ander te wys of nie, en hoe ander jou sien, dit alles vorm deel van wat jy wys vir die wêreld. En hoe mens kan wegkruip agter maskers. Dit verwelkom eintlik 'n breë veld van interpretasie. Dankie vir jou lees en navraag. Groete, Chantelle
-
Maak 'n opvolg-bydrae
Jy moet aangemeld wees om 'n kommentaar te plaas.
Palet
Mooi geskryf