Mei 2023 – OOP projek
Beste INKers
Die kersmaaltyd het nog nie eens behoorlik gesak nie en reeds word ons met die mooie Mei maand gekonfronteer. Een of ander Afrikaanse sanger sê nié verniet nie: “Stop die wêreld ek wil afklim”.
Gelukkig is dit weer tyd vir ‘n ope projek waar reëls en regulasies uitgesmyt word soos laaste week se koerant.
Jy word losgelaat uit die kou van gebondenheid en kan aan die projek deelneem in enige kategorie sonder dat ek jou vlerke knip, sonder voorskrifte en reëls.
Lekker skryf.
Innoverende mense skryf in Afrikaans.
Skryfgroete
Projekbestuurder
*ONTHOU SLEGS 2 INSKRYWINGS PER AFDELING PER LID ASB. ELKE LID MOET OOK ASB SY STERGRADERING VIR ONS DEURGEE AAN DIE BOKANT VAN SY/HAAR PUBLIKASIE ASOOK DIE WOORDETAL VAN JOU PUBLIKASIE INDIEN DIT NIE N GEDIG IS NIE
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
Maak 'n opvolg-bydrae
Jy moet aangemeld wees om 'n kommentaar te plaas.