Murasies

in die leë ruimtes van murasies
– eens herehuise of halfwegstasies –
eggo stom die krete van vergete stories
teen naak gestroopte mure

wat is dit van ou murasies wat so bekoor
waar ek myself in stories kan verloor
eens herehuise met kristal, satyn en porselein
gevul met lewe, lag en samesyn

nou slegs geraamtes van wat was
die winde waai hul wysielose liedjies
deur vensters sonder glas
en mettertyd verdwyn als weer soos druppels in die gras

Estelle Rubow
11/10/2017