My bootjie van hoop
MY BOOTJIE VAN GENADE
die luggie is koel en rustig en stil
dis ń vars nuwe jaar, deur God se wil
my gemoed is soos die branders, effens geskommel
my eggo voel maar met tye ń bietjie verfrommel
sommige mense verstáán die gevoel
ander het nie ń idéé van wat jy bedoel
sekere harte werk sag met die verbrokkelde siel
ander kyk of hul jou nog meer kan verniel
ek hys maar my bootjie se seile van genade
werk versigtig met my boeg se onweerskade
ek is reeds een keer deur die storm gesink
amper my menswees in die donker verdrink
my baken van belofte en beveiliging staan groot
ek weet na waar ek moet kyk in nood
volg net die liggie in die donker se uur
en jou toring van lig hou jou sekuur
my skuit is in vaar, en seile gespan
laat ek sien wat vandag aan die horison hang
ahoi! mede-seilers, ahoi!
sien jul vanaand, met die skemer se rooi!
©Drienie Joubert Kelly
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Januarie 2023 projek NUUT