My televisiemonster

Ek was te jonk
toe almal met opgehoue asem
jou geboorte in spanning
vasgenael tyd afgetel het

jou fanfare dag het toe aangebreek
met kort asemteue jou lewe begin
gou het jy stil jou babaskoene ontgroei
om diep spore in ons lewens te kom trap

ons beste vriend het jy geword
ure van pret verskaf jy nog
ons lag en huil heerlik saam
onwetend sluk jy ons familietyd

stilletjies het jy jou lekker tuis gemaak
jou winkende oog verswelg ons lewens
sonder jou voel ons verlore
onbewustelik aanbid ons jou

kosbare ure deel ons met jou
waardevolle gesinstyd altyd verlore
jou televisielyf soek ons alewig
onwetend betaal ons ’n dure prys.

© Taai Bonthuys

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag