Nuus Direk Wêreldwyd

Nuus Direk Wêreldwyd

Die wêreld het gekrimp met internet
want almal ter plaatse en in ander lande
is gelyktydig in jou sitkamer—
Noem die land en jy het FB vriende
of kennisse daar—
Jy skype met geliefdes daar maar
mis die warmte van vlees en bloed
en terloopse verbygaande drukkies
en piksoentjies, en op Tv sien ons
direk wêreldwye nuusdekkings
hoe kan ons dan twyfel as Hy sê:
Soos die weerlig uit die ooste neerslaan
en tot in die weste skyn, so sal die koms
wees van die seun van die mens, almal
sal Hom sien wanneer hy weer met Sy
voete op die Olyfberg staan—

Janetta – Helena [Babs]©