nuwe dag
donker baar lig
lig skyn oor kwaad en goed
gister word uitgestort
in ‘n vandag se beker
gal gemeng met soet
oudag se kennis is die van nou
:geen terugkyk
:geen verwyt
:geen berou
haas weer probeer
sagter oor die jonggras
balsem smeer aan die seer
lig hoog jou beker tentbewoner
drink ‘n heildronk op die lewe
uit jou oorvloed
voor die tyd uitloop
©Evanthe 2017
3 Kommentare
-
Inkmoderator
Elroux, ek het vrymoedigheid gevat en so effe aan jou vers gekrap. Die inhoud is leersaam en probeer 'n spesifieke les belig, tog lees die vers ritmies onsamehangend en kripties. My deelname is slegs voorstelle: lig baar uit die donker [gebore vervang met baar] skyn oor goed én kwaad [woordorde; akuut op én] gister word verspil [uitgestort vervang met verspil] in vandag se teenswoordigheid [beker vervang met teenswoordigheid; ('n) weggelaat] gal gemeng met soet [bitter onnodig omdat gal reeds beklemtoon] oudag se kennis is die van nou :geen terugkyk :geen verwyt :geen berou haas weer probeer sagter oor die jonggras, balsem smeer aan die seer lig hoog jou beker tentbewoner drink ‘n heildronk op die lewe uit jou oorvloed voor die tyd uitloop Laat weet gerus per inboks hoe jy hieroor voel. Skryfgroete IM
-
Elroux
Baie dankie ek waardeer jou kommentaar ek waardeer dit so.
-
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Dis 'n pragtige gedig, Elroux. Netjiese werk. Welgedaan :-)