O, Om Net Te Kan Sien
O, Om Net Te Kan Sien —
Die wonder van sien is om
onafhanklik te kan loop waar jy wil
sonder menslike hulp of gidshond en
om alles normaal te kan lees sonder
die moeilike braileskrif vir niesiendes
en om almal se gesigte en uitdrukkings
te kan sien wat trefkrag aan hul woorde gee—
O, om net te kan sien, net te kan sien—
Wuiwende savannevlaktes, blou hemel
oorspan met die veelkleurige reënboogbelofte,
berge, rantjies, majestieuse gebergtes,
blomme vanaf die mooiste roos tot die
eenvoudigste versteekte veldblommetjie
bedek met oggenddou of reëndruppels,
sonopkoms en sonsondergang en om
saans onder die volmaan saam te kan droom,
of langs die buierige see te stap as branders breek—
Die wonderlikste van alles is om jou
dierbare gesig en liefdevolle oë te kan sien,
‘n gelaat gevul met deernis
net vir my—
Janetta – Helena [Babs] ©
4 Kommentare
-
Arnold
Tog is daar baie mense wat die vermoë het om te sien, maar wil dit nie rêrig doen nie. Goed verwoord.
-
neels
Ons besef nie altyd hoe bevoorreg is om te kan sien nie. Ek was feitlik blind asgv katterakke en daardie gevoel na die operasie om weer te kan sien is onbeskryflik
-
Zymrly
Ek kan my nie indink hoe dit is om blind te wees nie. maar ek weet hoe dit voel om siende blind te wees omdat ek die voorreg van sien as vanselfsprekend aanvaar.
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Ja, om te kan sien is 'n Wonderlike iets. Jou gedig het my nou weer laat besef hoe bevoorreg ek is.