Jy Is Myne
Jy Is Myne
Ek het jou
dadelik herken
en geweet
jy is myne,
en ek het my
geroeste hartkamers
geolie en die deure
geluidloos oopgeswaai
dat jy kan inkom—–
Van iewers af het
jy en die liefde
vlindersag,
byna ongemerk
sonder trompetgeskal
arriveer in my lewe
as die mooiste en
blinkste ster aan my
hart se firmament en
jy is daar vir altyd
met liefdesbande
van die Orionster
geanker om jou
liefde vir my te laat
vonkel en skitter——
Ja, ek het jou
dadelik herken
en geweet jy
is myne——
Janetta – Helena [Babs]
4 Kommentare
-
Arnold
Ware liefde ken die pad na die regte hartskamer.
-
neels
een van die mooiste liefdesgedigte wat ek nog ooit gelees het
-
Zymrly
'n Gedig wat spreek van sekerheid van die liefde. Goed gedoen.
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Die gedig skep 'n gevoel van innigheid. Goed gedoen :-)