Skeepswrak Transformasie
Tussen erosie roes metaalskerf
van eens reuse, trots vegskip –
het haar verlange vasgekleef
tussen vaal seewier en koraal,
was haar drome vasgeweef
In die oopbek splinter skatkis
tussen edelsteen en munte –
het toeka se skitter pêrels
aan flenterstring goudketting
leweloos, net daar gehang
Soos verweerde skeepsanker
begrawe in soutsee sand –
is haar hart se binnekant
deur seerower van liefde
aan diep wraksee verpand
Maar op die kanteldek
langs die skip se stuur –
hang stringe vol oesters
waar pêrels transformeer
wagtend op die goue uur
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
6 Kommentare
-
Anze
baie mooi geskets, en dit is soos Neels se, mens wonder hoeveel onbekende en vergete dinge deur die see vir ons verborge gehou word
-
Viooltjie
"n vers met 'n boodskap van hoop in die slot strofe. Goed gedoen :-)
-
Evelyn van der Merwe
Dankie almal vir die kuiertjie en mooi woorde.
-
Amaspoke
Elke liefde is 'n skat, wonder hoeveel is wrakke
-
Evelyn van der Merwe
Inderdaad, met vandag se gejaagdheid en druk wat uitgeoefen word, meer as wat ons besef.
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Laat mens wonder hoeveel skatte in skeepswrakke op die seebodem is