Op Usakos se standplaas
Op Usakos se standplaas
300 Ovambos dreunsang in gelid verby
op hul skouers die sware stawe van hout
ander kap ballas klip
met ritmiese slae
spierwit kopdoek op oupa se kop
groen gaberdene hemp
swart verbrand
sweet pêrel in strale af
die spoorlyn moet gelê word tot aan die kus
die werk moet klaar
ure, dae, weke en maande
dan staan hulle terug
en kyk hoe die dame inkom
haar rookbolle lug toe blaas
sy hoes, kug en sluk
dan fluit sy tevrede
in haar tog skommel sy voort!
©Berna
14.02.2016
2 Kommentare
-
Callie Vermeulen
Pragtig Berna. Goeie herinneringe so uit 'n mens se kleintyd.
Maak 'n opvolg-bydrae
Jy moet aangemeld wees om 'n kommentaar te plaas.
Martha
Uitstekend!