Oseaan van vrede

oseaan van vrede

jy kelk oor my seer gemoed

salf my gekrente denke

met beloftes van hoop

met jou rustige in en uitwaarts

spoel geselwoorde weg

na dieptes van die see

om my gemoed skoon te vee

in jou rustige klots

streel ‘n suslied van omgee

word verdryf alle pyn en leed

salwingsproei oor my menswees gegiet

totdat ‘n storm weer opsteek

verwoed skeur en breek

om die volgende oggend te ontdek

gister se weggewaste seer

lê weer soos opdrifsels

oor my verlate strand

©Driekie Grobler (Junie 2023)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag