Reistog-drafstap vry
Gebrokenheid dryf jou
om soeke te vind
ñ reistog waar die bestemming
jou nie beskore is nie
maskers in die oë
wat die wêreld
van jou sien
jy glimlaggend agter
die skerms van aanvaarding
verbind
die reis ontlont net meer
meer van iemand
wat alleen treur
stukkies van jou
stukkies van my
tussen die onrus
van ñ staptog
wat drafstap teen jou hakke
en jy kortasem droë mond
hyg na asem wat beperk
vasgevang is in jou longe
vasgevang is dit
wat ongenaakbaar
ontoeganklik geraak het
want gebrokenheid
kan nie skuil agter die masker
van wat geskryf staan
in die oë van ander nie
want jy is ek
en ek is jy
elkeen op ñ reistog
opsoek na net dit,
is jy nou vry?
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.