roep

stemmetjie kom van ver
daar waar mooi nog mooi was
en strooi nog strooi was

klanke vibreer in my ore
soos geklank van trompette
vroeg soos oggend basuin

telkens verras dit my nog
met oorspronklike oer-klank
wat terugvoer na verlede

klanke reeds lankal vergete
maar steeds weergalmend herinner
aan musiek van ‘n jong hart

musiek wie is jou komponis
note wie het julle geformeer

©Teárlach