Scientia potentia est
soms staan jy voor ‘n muur wat ontoeganklik lyk
dan wonder jy hoe jy ooit daaroor sal kom;
die wêreld voel te groot, die pad te krom
en nêrens waar daar rigtingwysers pryk
maak jy egter ‘n boek of skerm soekend oop
soekend na antwoorde wat jou vrees verdryf;
dan kom sit elke feit mos in jou geheue styf
en verander wanhoop skielik weer in hoop
geen spierkrag kan ‘n toe deur oopforseer
indien jy nie weet watter sleutel pas nie –
slegs kennis kan jou vrymaak om te leef
hou dan maar aan om elke dag te leer
dan kan niemand jou in ‘n kas van onkunde hou nie:
wat jy leer en verstaan, is wat jou vlerke gee
© Tearlach.
(Die Latynse spreuk is Scientia potentia est en dit beteken “Kennis is mag”)
Maak 'n opvolg-bydrae
Jy moet aangemeld wees om 'n kommentaar te plaas.