stillewe (Goud)

die dam lê soos ‘n reusespieël

ingenestel tussen riet en grondwal

‘n stillewende weerkaatsing

van lug, wolke en ‘n terloopse verbyvlug

dan kom die wildeganse in beweging

vanaf die eilandjie met die kwastige treurwilg

beweeg snaterend trip-trap oor die gladde oppervlak

begin asof veerlig skei van hul eie weerkaatsings

terwyl hul langnek en sierlik klief deur die lug

al kleiner word tot so ver die oog kan volg

word die reusespieël weer ‘n stillewende weerkaatsing

van lug, wolke en ‘n terloopse verbyvlug

© Elmarie Nienaber Van Kampen, 2024

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag