My kinderhuisvriend (Goud)
in my dinkboom was daar takke
en mikke om te sit
In syne was daar sluiters
oor die oopmaak van sy bid
in my kamer was daar stilte
en vrede rondom my
in syne was daar sendings
wat sy hande wou verlei
hy was my kindervriend in wese
by ons vrees en blaam verby
soos ‘n Dawid en ‘n Jonathan
was ons ongebonde bly
en ek wonder waar hy is
en wat het van hom geword
as sy gesig se vae lyne
my gedagtegang omgord
wat is ‘n weeskind se verweer
teen ‘n kinderhuis verval
as die onreg sy gedrag
in ‘n opperhand uitstal
Andries Fourie
(Seirdna)
2024.06.30
2 Kommentare
-
HENN
Pragtig verwoord. Met al my jare se betrokkenheid by kinders in kinderhuise, word hierdie skrywe so deel van my, wonder ek ook baie oor wat van elkeen geword het , veral hulle wat "deur die sisteem" verniel is.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Julie 2024 – OOP projek