Strome vol liefde
Ek het wakker geword
in hierdie nuwe mŏre
my pad lê uitgestrek
soos ‘n berg vorentoe
Skoene wat ek moet dra vir krag
water wat ek moet saamvat
wanneer die son warm brand
in opwinding met ‘n glimlag in my hart
weet ek jy is die skat in my ontdekkingsreis
My innerlike gevoel is oorlaai met liefde
die son skyn nie meer agter die maan
ek kan weer soos ‘n kind baljaar
en die verte in van ‘n krans af staar
Dan kyk ek net stom met ‘n glimlag
jy is deur die storm
jy’s deur die nag
jy’s deur die pyn
en jy’s deur die wag…
Jy gee my ‘n nuwe lewe
en ‘n nuwe pad
Jy keer my wêreld om
en maak my nuut
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Januarie 2018 - Weerbegin en voornemens projek