stuipe trek

hier agter my duin is daar oorlog
die stof staan behoorlik in die geveg
meerkat het vir hom ‘n slangetjie gevang
slang en meerkat, meerkat en slang
heen en weer, op en af
tot slang ophou
spook en sy laaste
stuiptrekkings maak
amper net soos
ons ekonomie
wat verlammend
sy laaste stuipe trek
in moedelose poging
om sy laaste bloed
druppel vir druppel
in korrupte sakke
uit te bloei

©Teárlach