troos

 

 

troos, trooster, vertroos

.

vroeg oggend se koffie

regte, egte boerekoffie troos

sny die bitter winterkoue in flarde

sterk koffie met ryk melk of room

met teelepel heuning, nie suiker

wat maak die hart sommer

warm met gedagtes

van vrede, vreugde

beter as troos

‘n tros koffiebone

gepluk van arabica

gedroog en gerooster

gemaal en gekook

in regte, egte water

nie smaaklose kraanwater

nie uit-die-bottel-water

regte fontein of rivierwater

met lepel regte-egte-heuning

nie verdunde gegeurde suikersap

nie soetmaakmiddels van gif nie

net regte egte heuningbye heuning

met vars volroom melk of net room

nie boksmelk of bottelroom nie

regte egte beesmelk-room

nie in fyn erdekoppies nie

in regte egte koffiebeker

blikbeker met omkrulrande

beker wat volhand kan warm maak

soveel boeretroos maak boer se hart

sing van vreugde en dankbaarheid

dit troos die siel en versterk

die gees vir die hartseer

van ons tyd

 

© Tearlach.