Tuiste vir goddeloosheid

Tuiste vir goddeloosheid

Jou geheimsinnigheid
lê diep veborge
in die steenwerk
van jou fondasie

jou eensame verlatenheid
vertel tog van ‘n tyd
van lief, leed en lag
‘n tyd waarna jy sekerlik nog smag

ek brand om na jou stories te luister,
om te hoor wat hierdie mure fluister –
maar deur jou gebrokenheid
sal jou geheimsinnigheid vir ewig swyg

diep in die velde staan jy
eens trots
maar nou geplunder tot ‘n geraamte van wat was –
is jy omskep in ‘n tuiste vir goddelooshede
©PcV

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag