Verlange
je ne regrette rien
met die verkoop van ons huis
het ek hoop verloor, my hart gesmoor
in ‘n ander huis voel ek vergruis, ontuis
maar nuwe drome lê voor
je ne regrette rien
plat gestryk en gekrap
soos gekreukelde papier
deur lewe geklap, pap vertrap
ons lewe is nou hier
je ne regrette rien
wanneer ek vir ou laas
my voordeur sluit
in ‘n waas van trane die aftog blaas
weet ek dis regte besluit
je ne regrette rien
vroegdag as koninghaan kekkel kraai
en beeste bulkend blaas
kan ek ons seisoen voel draai
nes voëltjies in skares sing en raas
je ne regrette rien
met elke aand se sonskynsoen
vul vrede my verstand onverbloem
God kan wonders doen
verlang ek na ‘n huis wat ek my eie kan noem
non, je ne regrette rien
©Jessica Venter
05/01/2018
Maak 'n opvolg-bydrae
Jy moet aangemeld wees om 'n kommentaar te plaas.