Verlange na Jou
Dis nou nege jaar terug
en dit voel soos gister
wat ons by mammie se
graf gestaan het.
Ek onthou nog hoe ‘n
snik deur my hart geruk het
toe die mooi kis met jou
menswees daarin wegsink in die grond.
En ek hoor Juanita du Plessis
se stem “Ek is nou in die Hemel”
en ek besef die groet van ‘n soen
is vir ons nie meer beskore
Daar was baie mense, want mammie
was so baie gewild by baie
Jou glimlag en jou liefde
was kenmerkend by almal
Vandag 2 Maart sou jy regstaan
met koek en tee, want dit was ma
se verjaarsdag, vandag sou dit jou
79 ste jaar gewees het.
En ek onthou nog, die laaste
verrassingskaartjie wat ek gaan
uitdeel het vir jou 70ste
verjaarsdag verrassingspartytjie.
Maar God se verrassing was
groter as ons kinders sin
Want daardie selfde aand kom
ons op die seerste seer af.
Jesus het Mammie kom haal
net so ongegroet, en alleen
en huil ek baie dae nog
stilweg oor twee aande voor dit.
Ons het gekuier, maar iets was
nie pluis, jy wou uit my kersfees
koppetjies nog koffie drink en ek se
daar gaan nog baie dae wees om daaruit te drink
Min wetend dit was jou laaste wens
saam met my, jou geskenkie altoos
nog nooit gebruik nie, veilig in kas
bewaar ek hule, want jou laaste wens onvervul.
Saggies en alleen het jy heengegaan
maar hier diep in ons harte het ‘n
prag van ‘n mens, ons mammie,
‘n merk gelaat, van liefde vir mekaar.
Amazon
Ek is n kind van God en is Jesus Christus my alles. Ek baie ingesteld op die waarheid en is heeltemal gekant teen leuens. Opregtheid en Eerlikheid is n passie by my. So wat ek in my gedigte en stories bring, is op die waarheid gebaseer. Alles wat my in die lewe geraak het, bring ek in my gedigte uit. Ek is n Afrikaner en murg en been. Wat jy sien, is wat jy kry. Spontaniteit en vriendelikheid is my lewe. As jy op my tone trap, gaan jy my beslis van hoor. Ek se n ding reguit en draai geen doekies om nie. My gehoorsaamheid word aan God die Eer gegee, want Hy is in beheer van my Lewe.
9 Kommentare
-
-
Amazon
Baie dankie Neels word opreg waardeer.
-
-
Anria
Mooi uit die hart geskryf. Laat my nou na my ouma verlang.
-
Amazon
Dankie Anria.. waardeer jou
-
-
Evelyn van der Merwe
Pragtige ode aan 'n geliefde Moeder wat erg gemis word.
-
Amazon
Dankie Evelyn, ja ek mis haar geweldig baie. Sy was my alles gewees. baie dankie vir die stilstaan hierby.. waardeer jou
-
-
borrels
Kosbare herinneringe, al is dit ook met hartseer
-
Amazon
Dankie baie Borrels, waardeer baie.
-
-
Ch Nel Venter
Baie mooi. Daar verlang ek ook toe.
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
dit is n pragtige ode amazon