Welkom, Besoeker
Welkom, Besoeker

Titel: Ek onthou hoe vieslik jy gelyk het, ook hoe vieslik jy was.

Deur Anria
Datum gepubliseer: 9 Maart 2016 Aantal woorde: 108 974 Kere gelees 17

Soms
uit die bloute,
dan
kom maak jou reuk
weer by my ’n draai.

Soms
sien ek die prentjie
van jou verslonsde lyf
wat voor my staan.

Ek onthou
hoe jou klere geskeur was
jou bebloede oë
die mengsels drank in jou asem

jou stem
het gestink
jou vel
het geblink

jou woorde
was hard
jou mond
het geglimlag
soos jy die woorde vorm

vandag gaan jy vrek

en ek
die gek
het jou geglo
en was bang

maar
die mes in jou hand was daar
en ek was naar

en jy
het gemik en gegooi.

(Gelukkig vir my
was jy
baie dronk

en kon nie mik nie.)




TEMAS
6 Kommentaar
  1. Evelyn van der Merwe

    9 Maart 2016

    Sjoe hierdie moes ‘n vreesaanjaende episode gewees het. Knap beskrywings gebruik.

  2. Somerreën

    9 Maart 2016

    Gelukkig want wat sal ek tog sonder jou doen…. ♥
    Uitstekende gedig vriendin.

  3. Desiréé

    9 Maart 2016

    Sjoe, dis hard en hartseer en goed geskryf.

  4. neels

    9 Maart 2016

    Dis erg anria

  5. Viooltjie

    9 Maart 2016

    Nare herinnerings, Anria. baie goed tot lewe gebring 🙂

  6. Anria

    9 Maart 2016

    Baie dankie vir julle kommentaar. Ek waardeer dit.
    @ Somerreën ♥

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 59
Kommentaar telling: 76

Anria Breed is gebore in 1983 en woon tans in Brits. Sy het ’n Nasionale Sertifikaat N6 - Bestuursassistent Diploma met Besigheidsafrikaans. Haar kortverhaal, Die ou Beetle, het die aanlyn Vrouekeur kompetisie gewen in Februarie 2015. In Julie 2015 is drie van haar gedigte gepubliseer in Brose Genade, ’n bundel vir kanker-vegters. Sy het haar debuut digbundel, Volg net die Skoenlappers, in Augustus 2015 gepubliseer. In Januarie 2017 is een van haar gedigte in ’n Nederlandse tydskrif gepubliseer ter ere van die stigting van die nuwe gemeente, Meierijstad in Nederland. In Mei 2017 is haar gedig, Die mooi van die donker, gepubliseer in die digbundel Inkspraak.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 169 gaste aanlyn

Bydraes – Argief