Al sou dit
Al verdor diep rivierlope
en Moeder oseaan verdamp
al sak die son skielik in suide
woestyne word woeste oases
Al draai sonneblomme na die maan
en eendaglelies blom deur die jaar
al sing seemeeue luidkeels opera
as krieke begin in damme baljaar
Al vang visvanger gif skerpioene
watervalle druis met sitrussap
al kuier die valk by muis se kind
sou seevisse begin spore te trap
Sal ek nederig tog stil getrou
vasklou aan Hom wat daagliks sorg
vir slegs genoeg om van te leef
laat elke Christen dan daarna streef
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
6 Kommentare
-
-
Evelyn van der Merwe
Dankie vir jou welkome besoekie.
-
-
neels claasen
Evelyn ek bemerk n pragtige nuwe rypheid in jou werk
-
Evelyn van der Merwe
Dis as die gedagtes in tuimeldroër verstrengel raak. Dankie vir jou saamlees.
-
-
Louie
"Sal ek nederig tog stil getrou vasklou aan Hom wat daagliks sorg vir slegs genoeg om van te leef laat elke Christen dan daarna streef" ... som hierdie pragtige gedig op
-
Evelyn van der Merwe
Dankie vir julle getroue inloer en bemoedigende woorde, ek waardeer opreg.
Maak 'n opvolg-bydrae
Jy moet aangemeld wees om 'n kommentaar te plaas.
borrels
Pragtige natuurbeelde