Bru-taal
Geboei is ek
hulpeloos met die vat
wat jy vat
hier binne die beknopte
gange van my hart
waar verborge goeters
gegriffel staan
teen die muur wande
van ñ plek
waar die duisternis
se skadu’s soms
die enigste weg bied
na die ingang van my hart
jy gaan selfs verder as dit
skeur deur
na waar ek broos
sit en wegkruip
jy weet
daar waar jou siel
se kleur skakerings
tot insig kom
daardie plek waar
die pretensies
geen landing het nie
daar kry ek jou
waar jy
die nate van alles
wat my bymekaar hou
oopskeur
brutaal
ongevraagd
is jy
en ek bloei
sonder ophou
vir jou in
Afrikaans.
Chantelle Holder
09 Maart 2016
© 2016
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
7 Kommentare
-
Ch Nel Venter
Baie goed geskryf
-
neels claasen
Diep werk met n diep betekenis
-
Louie
Stem saam met Neels
-
Anria
Die beste van jou werk OOIT ! ! Fantasties en vol diep wegkruip-heimwee, verlange en seer. PRAGTIG. Soooo trots op jou.
-
Viooltjie
Ek het nog nie so baie van jou werk gelees nie, maar hierdie is werklik baie goed. Ek stem dus saam met Anria, want ek weet sy ken jou werk :-)
-
Somerreën
Dankie Evelyn, CH Nel Venter, Neels, Louie, Anria en Viooltjie vir julle wonderlike kommentaar. Vir lank skryf ek net in Engels want dit is makliker om te skryf in Engels, want Afrikaans breek my, laat my bloei....so dis tyd dat ek weer bloei...
Maak 'n opvolg-bydrae
Jy moet aangemeld wees om 'n kommentaar te plaas.
Evelyn van der Merwe
Voortreflik beskrywend gepen.