Verwarring in die nes

Verwarring in die nes

Frustrasie lê sy eiers diep in emosie se nes
dit klou soos ‘n dodelike pes

waarom is dit so moeilik om saam te werk
so kan die een die ander tog versterk

maar nee, elkeen wil sy eie beuel blaas
elkeen sit op sy eie miernes en raas

verdeeldheid word uitgebroei
om by alles uit te kom, word ‘n gestoei

die kuikens skarrel vir die regte moederhen
tog so baie neste om te verken

almal pik tog aan dieselfde mielie
maar wie se vere kan die beste kielie

piep ‘n bietjie hier piep ‘n bietjie daar
krap die koppies heel deurmekaar

kan ons nie maar al die nessies bymekaar krap
en soos eendjies op een spoor trap

C Diederiks ©