VIA DOLOROSA – DIE PAD VAN PYN
Lag-lag skinder lag
verstoot, bebloed stap die Timmerman
deur Romeinse kleiteëlpaaie
na spykers wat op Golgota lê wag
Die uitverkore nasie spoeg en jaag die donkie
met uitgedroogde palmblare weg
spoeg beledigende woorde
dra Jou eie kruis
Skarlaken gedrapeerde mensgemaakte soldate
jaag die nasie weg van Pontius Pilates
Barnabas verkore
geen spykers vir sy hand beskore
…Mag ek help dra aan U kruishout Visserman
net tot waar U self kan dra
en die lag van mense minder raak
en U alleen die pyn van Dolorosa
vir `n mens soos ek moet dra?
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
2 Kommentare
-
Viooltjie
Baie goed gedoen. Ek hou van hoe jy die verhaal vertel.
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
Loiue as jy ooit F.A. Venter se man van Cirene in die hande kry lees dit gerus. Hierdie pragwerk van jou sluit baie by die verhaal van man van Cirene aan