Waar my vrede fladder – Opdrag 1
Wanneer die sweepslae in my
soos simbale begin raas
en die leemte diep binne
sy koue asem oor my blaas,
vind ek langs stille waters
van ‘n kluisenaarsbestaan
vrede wat vreesloos fladder
om ‘n vergulde wintermaan
Aan die some van my drome
swaai boepens-wense saam
soos Jakobsbaai se branders
wat speel-speel kom en gaan
Eksentriek beslis ja
ek dalk net ń stomme gek
my hermiet paradys gewis
‘n stille sonskyn plek –
waar ek kan vry wees
sover my grense strek
vry soos wat die kettings lank is
waarmee ek my hart inperk
13 Kommentare
-
Ryno Rossouw
Pragtige gedig Loretta! Jy mag maar
-
Loretta Szikra
Baie dankie Ryno, ek waardeer die saamlees baie.
-
-
Viooltjie
Goeie werk, Loretta. Slim bewoorde slotgedeelte 😃
-
Loretta Szikra
Baie dankie Carma, ek waardeer altyd jou kommentaar so baie. 😀
-
-
Elroux
Lieflike woorde en woordspel Loretta
-
Loretta Szikra
Baie dankie Evanthe, dis so lekker om weer saam te swoeg en wroeg aan woorde.
-
-
Callie Vermeulen
Pragtig Loretta! Golwend soos die see se branders.
-
Loretta Szikra
Dankie Callie, ek waardeer jou kommentaar baie.
-
-
Barbara
so mooi !!
-
Loretta Szikra
Baie dankie Barbara, xx
-
-
Driekie
Baie mooi woordskets,
-
Loretta Szikra
Baie dankie Driekie, ek waardeer die saamlees opreg.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou deelname aan die Pendoring 2 / INK kompetisie