Die eerste afskrif sonder Alfa Xerox
“grootsheid het gewelf geword, genade water” – Bibi Slippers
Bibi het ‘n biblioteek vol boeke
(meestal digbundels)
op instagram
hier maak sy miljuisende afskrifte
van al ses-en-twintig letters van die alfabet
waarmee het sy ons skrywersheelal herskep
tot ‘n songod sonder paperjams
skape laat haar hart sag kraak
(Skapie-mê. Skapie-mê. Só sê sy haar sê.)
maar weg kan sy nie skram
van al die klein vertalings
sonder voorskrifte
wat selfs begaafde digters
aan die diepste blou se mou laat klou.
© 2018 Caren Kearley
Kopiereg voorbehou
4 Kommentare
-
Viooltjie
Baie interessante gedig, Caren. Goed gedoen 😃
-
Loretta Szikra
Inderdaad baie interessant Caren. Knap werk.
-
Driekie
Baie oulik gestel.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou deelname aan die Pendoring 2 / INK kompetisie