Waarom het U My verlaat
Waarom het U my verlaat?
By die kruispad gekom wat uit gesit was vir my;
stap vir stap, elke tree in my lewe.
Lê op my, die Hand van Genade
soos dit beskryf was en deur die Gees gelei.
Verseker het ek geweet ʼn kruis moet ek dra.
Met opregtheid in my hart,
my sondes voor U voet bely
maar soms wil ek vra waarom het U my verlaat?
Die son hang hoog en vrese wat knaag
wanneer my knieë kragteloos knak en
sweepslae reën op my geswete rug.
In stof en bloed voel ek genadeloos gelaat.
My God my God waarom het U my verlaat?
Die skemer daal neer in die laaste uur en
donker wolke vorm tornado’s, dit dreun.
Duisende siele is hartverskeurend gelaat.
Die Woord is volbring en die wêreld kan sing.
By die Vader is voorspraak gemaak.
Staan vas in Sy liefde, Sy genade is groot
al voel jy soms om te vra, waarom het U my verlaat?
©MarietaCalitz[LadySoul]
4 Kommentare
-
LadySoul
Baie dankie en dit is net n plesier.
-
Barbara
Dis baie mooi, ek voel ook soms om so te vra..
-
LadySoul
Drukkie vir jou Barbara, ek dink tog ons almal kry ons oomblikke xx
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die INK gedenkbundel projek