Wat word van Afrikaans
Verskuild rus jy in Sarie Marais wat ver is
en jodel as jy die wandelpad stap
wanneer jy moeg word vir die stad
Soms toer jy na die ou Kalahari
op die rug van ‘n blink vosperd
as jou woorde Suikerbos-soet stroop
Die koffie in die kan wag op ou Jan
as Pierrewiet sy deuntjie wil saamsing
en sy haar rokkies net wil dra
Sonbrilletjies keer die ergste sonlig
en ry soos ‘n ruiter van die windjie
op pad na sy voshaar nooi
Dis te ver om te loop en te na om te ry
hoe gaan hy maak om te gaan opsit in die vlei
of ‘n huisie by die see te kry
Op pad na tante Koba wonder hy steeds
waarom is hasie se stert so kort
en wat is besig om van Afrikaans te word
5 Kommentare
-
Vellies
Dankie Viooltjie
-
Anze
heerlik gelees..aan hierdie Pastiche
-
Evelyn van der Merwe
Nou praat jy....... Ek is ouma van 'n tweeling en het hul hoeka die vakansie "Die padda wou gaan opsit" laat leer. Ons moet die taal bewaar en met die tegnologie wat koning kraai, gaan Afrikaans by die deur uitwaai.
-
Woordwewer
Dankie Anze en Evelyn
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
dis nou 'n lekker gedig om te lees, goed aanmekaar gesit :-)