
Wet van liefde
deur lewensbane en dimensies
het twee geeste ver geswerf …
verlang na ‘n plek wat voel soos huis
gewag op die uur
waar tuiskoms uiteindelik ‘n ‘welkom’ vier
binne die ewige bestek van tyd
twee weë geweef
bestem om mekaar te vind
is sielsgenote saamgebind
waar woorde tuimel soos wet
beveel deur God se orde
sal man aansluit by sy vrou
die gesinsvisie bymekaar hou
hulle deel ‘n onsigbare taal,
tog harmoniseer hul siele saam
in hul sterre-oë
wat liefde se suiwer vonk uitstraal
klop passie vanuit ‘n onuitputlike bron
kadens staan hul hand aan hand
komplementêre wesens
voltooi mekaar
net soos die maan en die son
met elke aanraking
‘n oplewing
word hul siele verlig,
gekonsolideer
om Skepper daardeur te vereer
in lofprysing
soos ‘n gawe van die Heer
word harte ingeryg
deur ‘n ewewig
bymekaar gehou
binne die kring van ware vrede
vind hul volheid
in mekaar se nabyheid
word alleenheid finaal beëindig
©️Wendy Leigh
2 Kommentare
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Julie 2023 – OOP projek