dit groei op jou (Silwer)
fluweelsag kus marmergroen jou oog
buitensporige digte groen loog
drasties onprakties takties
kleinspoortjies soekend na matrassies
hoe maklik stap jy verby
te bang om jou voet te laat gly
meegevoer in tapisserie van mos
bedag op watter prys dit jou kos
net die Skepper kan só volmaak weef
om opnuut aan lewe te kleef
o my siel hier is ryke stof
pitkos vir die komende skof
hurk by die weelde van mos
wikkel die dramaturg in jou los
mag dit in jou diepte wek
daar by jou eie mosbedekte plek
© Francois Meyer Julie 2023
GEDAGTES
My naam is Francois Meyer, getroud met n pragtige vroutjie, Jessica. Ek is n trotse pa van vier seuns. Die kewe is ryk aan kosbare waarhede wat ons gedagtes daagliks vul. Soms het ons die moed om dit op papier neer te pen sodat ander dit kan lees. Hoop jy geniet die lees soos ek dit ook geniet!
3 Kommentare
-
Dale Penderis
Dit is voorwaar n briljante vers.
-
GEDAGTES
Dankie dat jy gelees het.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Julie 2023 – OOP projek