wils-besluite
my duin is vol rimpels vandag
weke se sterk wind het dit omgekrap
dit wil lyk of ek nie my sit gaan kry nie
maar dan val die see geluide soos lafenis
in stormweer hervorm die golwe die strand
kalwe dit duine weg, en skep nuwe sandbanke
om net weer met laagwater sy struweling te ontken
op wit strande lê daar dan hope afgeskeurde plante
wat verdroog, vergaan en verwyder moet word
vir die estetiese beeld van die ongerepte see
die wil van die see, is soos dié van ‘n man
wie se “Nee”, “Nee” is, sy wil vas staan
wils-besluite is soos getye van die see
dit volg die weg van jou gewoonte
staan jy vas op jou woord
sal jy eerlik wees en bly
©Teárlach
“ek hou van ‘n man wat sy man kan staan..”
2 Kommentare
-
-
Tearlach
Hallo Toom. Baie dankie dat jy kom kuier het by my gesegdes. Dankie vir die insig en mooi woorde. Ek waardeer dit baie.
-
Maak 'n opvolg-bydrae
Jy moet aangemeld wees om 'n kommentaar te plaas.
Toom
Mooi man! Dit sê sy sê, en wat hy sê is waar. Beeld-beskrywing van hoe die gees te werk gaan. (Nog altyd kom ek nie tereg met 'n lys woorde sonder punt en komma. Maar daar bly ek aanskynend 'n eensame minderheid.) Groetnis vanToom