Plaasdag

vroegdag kekkel kraai koninghaan
waar hy trots op sy pos pronk
en wag vir almal om op te staan

na ‘n baie sterk beker boeretroos
wag vars brood uit ouma se oond
vir haar kinderkroos

en terwyl weste winde waai
as reëndruppels neer veer
staan windpomp eenkant huilend tjir-tjoer tjir-tjoer

toe trekkerwiele whoesj-whoesj
deur modderplasse jaag
dat jy net water op gras sien spat

dan hoor jy laataand hoe-hoe huil meneer uil
as nag se gordyn
nog ‘n plaasdag verskuil
en dit in sterrehemel verdwyn

©Jessica Venter
12/06/2017