Weduwee bruid

op vooraand van sy troue
na partytjie jolyt
op sy vierwiel, ‘n polisie jaagtog
is hy sy lewe kwyt
tref hy ‘n muur
kop eerste
vroegoggend uur
opslag dood

soos lewe uit hom vloei
staan satan en lag
opgewonde, bly
sy doel het geslaag
dood het hy verkry
eens ‘n familie
liefdevol en sterk
nou stukkend, gebroke
sy bose plan het gewerk

skokkende nuus volg
toe sy deur oopmaak
reg om haar bruidegom te gaan ontmoet
hul liefde vir ewig verlore
dood se angel het hul
geluk in sy spore gestuit

uit haar hart weggeruk
sy kon nie eens groet
trane stromend oor haar wange
herinneringe van liefde bittersoet

©Jessica Venter
21/06/2017