Eerste liefde (Opdrag 7)
Kom proe die kleur van my vrugteboorde
waar hartsnare saam kan speel
soos water wat oor klippies kweel
drink ons ons liefdeswoorde
as ons lippe vlinder oor akkoorde
ons ons simfonie kan deel
waar ons liefde alles heel
verken ons saam vreemde oorde
die klinkende kleur van ons simfonie
breek in vervulling oop
deurdrenk ons met liefdes reën
luider dans ons melodie
in klanke van ‘n kaleidoskoop
word twee siele een
©Evanthe 2018
9 Kommentare
-
Callie Vermeulen
Sjoe Evanthe... pragtige gedig!
-
Elroux
Baie dankie Callie ek waardeer jou lees en kommentaar.
-
-
Alet
Mooi verwoord
-
Elroux
Baie dankie Alet.
-
-
Cornien
Pragtig!
-
Elroux
Baie dankie Corien.
-
-
Loretta Szikra
Waarlik n juweel Evanthe. 👌
-
Elroux
Baie dankie Loretta.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou deelname aan die Pendoring 2 / INK kompetisie