Liefde se uurglas

wanneer lewe se uurglas
ons tyd korreltjiesand
en wysers tik-tok ons ure aftel
wil ek ons herinneringe in ewigheid vries

soos maande verby snel
blink drome in ons oë

met die leegloop van ons jare
wil ek jou kontoere in my hart vaslê
sodat ek die horlosie kan terugdraai
na die mooi van onthou

in ‘n breukdeel van ons saamwees
koester ek elke oomblik

ek wil elke sekonde vasvang
met die ritme van ons hartklop
want vir ewig is te min
om jou lief te hê

©Jessica Venter
04/02/2019

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag