Wintersrus
wanneer winter stil-stil
met sy ysige miskombers
homself kom tuismaak op my voorstoep
ongevraagd sy ysvingers deur my are vleg
bibber die wêreld kaal onder sy grys baard
sy knieë skuur skurf
oor sy vaal matras
wanneer die yswind
sy skouers met ‘n sneeudeken bedek
vind hy sy wintersrus
©Jessica Venter
03/05/2019
Maak 'n opvolg-bydrae
Jy moet aangemeld wees om 'n kommentaar te plaas.