Kakiebos en Kosmos

Op die skouer van ‘n gekolkte teerpad,
met gebleikte stippelstrepe,
groei kakiebos en kosmos – verstrengel,
versmoor, verstikkend in grys rook en gas.

Gebarste hart, spat in ‘n liggaamskas,
bloeiende wonde kolk deur ingewande.
brand en brand en brand en kook,
sonder fokus teer, besluitlooskripeer
gedagtes wring, slinger deur newels gas.

Waarheen lei die slaggat-teerpad
van verdofde tekens?
Kakiebos en kosmos – bakens in stof.
vergete, verlore, vir niemand se niks.

© CJ Laing – 24/05/2019
© foto: Fotoskool.co.za