vroegaand

vroeg aand het gekom
nag het gedaal
winter steel saggies
die ligdag weg van somer

skemer raak gouer weg
donker sak toe
winter maak dae
daagliks korter

naguile sweef sag uit hul neste
roep dan skor om muise
uit hul gate te jaag
sodat hul blitsvinnig kan toeslaan

op die braak oorkant my venster
kom die skril waarskuwing
hard en dringend
van die kiewiete wat daar broei

uit verligte bo-vensters
kom klanke van breekgoed
by een tafel word daar boeke gevat
met sagte dreunende stem

©Teárlach