riemvasmaak

riemvasmaak – Retha van Deventer (Goud)

 

in ‘n bergwoestyn borrel binnewater warm 

waar loodregte kranse *karmenaatjies van edelstene koester 

soos *ma-goed hulle se kjinnirs beskerm 

en die *skroeison karmosyn op die *Kai !Gariep 

soos wanneer *pa-goed vet bokke uitbloei 

dáár word *rieme op kaalgrond vasgemaak 

want daarsonder is die lewe galbitter 

soos *traanuintjies en *ghobbas 

 

© Retha van Deventer, Junie 2026.

 

Voetnota:

*karmenaatjies – in Oranjerivier-Afrikaans word karmenaadjie (spesiale geskenk) met ‘n “t” gespel en platter uitgespreek 

*ma-goed – moeders 

*skroeison – warm somerson van die Kalahari 

*Kai !Gariep – die Oranjerivier 

*pa-goed – vaders 

*rieme vasgemaak – om op een plek te bly 

*traanuintjies – ‘n klein ondergrondse bolplantjie wat effens bitter en skerp proe 

*ghobbas – of ook hoodia, ‘n bitter doringagtige vetplant