boerse liefde

 

 

goue lokke van jou hare in sonneskyn

soos sagte ryp wat oor die velde rus

deur my growwe hande ‘n stille kus

op die vrede wat in jou glimlag skyn

 

wind dra die geur van soet koring

dan sien ek in jou dat jy my vertrou

in jou oë vind ek die ewigheid blou

wat einde aan my onrus en twyfel bring

 

nooi van die boomryke laeveld rand

met jou is my hele wêreld in harmonie

hou net vas aan my ruwe boerehand

 

© Tearlach.