Afrika-ikoon [Silver]
‘kieu-kou-kou’
roep Afrika se visarend
toe die stoomtrein van die son
gaan staan
op die paron van die horison
pêrelpienk
blaas hy stoom af
en skud sy skitterblink as uit
in die possak van die melkweg
kaleidoskopies
ikoon die hemelruim
wyl die stoomtrein van die son
laag op sy spore
oor die see verdwyn
——-oo00——-
(©Pieter Mostert)
* Klanknabootsing : ‘kieu-kou-kou’
roep Afrika se visarend
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir September 2024 – OOP projek